بسم الله الرحمن الرحيم
التركيز كله على الباترون المرسوم
وان شاء الله اعرض لغرز كروشيه كتيره وطرق شرحها بالفيديو
غرز صعبه وممكن فى كتير ماعندوا فكره عنها
غرز مختلفه كمان عن الموجوده فى الصوره
وايضا نعرف انواع الكروشيه كلها ونشرحها كلها ان شاء الله
عايزا تركيز على غرزه غرزه
لحد مانحفظ الباترون المرسوم كويس جدا
يعنى مش بدور على موضوع منمق ومرتب ولكن
انا قصدى تتفتح لكل واحده نفسها تتعلم قرائه الباترون
وتعرف انواع الكروشيه وتعرف الغرز بتتعمل ازاى
اشوف مين حيتابع معايا ويريد ان يتعلم
وفى الصوره دى الغرز التى سيتم شرحها
وهى عباره عن 55غرزه ان شاء الكريم
مستنيه ردودكم
نبدا فى تانى غرزه وهى الدائره المغلقه
وتسمى المنزلقه
وتسمى Slip stitch
وتسمى فى الباترون المكتوب sl st
وهى تستخدم فى نهايه الشغل
او النتقال من مرحله لمرحله
ساعات تعملى مفرش وتلاقى انك على حرف الغرزه والمفروض تبداى بوسطها
فيكون الحل هو الغرزه دى
وتنهى بيها اى عمل بتشتغلى فيه
وتنهى الدايره ايضا فى البدايه زى الرسم القادم
الفيديو هنا
ناتى للغرزه ال20-----21
هى غرزه ممكن تكون صعبه شويه لكن لما نشوف الفيديو حنعرف ان الموضوع ساهل جدا
نشوف الفيديو قبل الشرح حتى يسهل على الشرح بعد كده
الفيديو هنا
وهى تستخدم فى نهايه هذه الطقيه او نهايه اى شغل وهى تحفه لانها تتقل الشغل خصوصا صدر الجاكت
نبدا نشرح الغرزه
هى تتشغل من الخلف الى الامام زى ماشفنا فى الفيديو
نشوف الشرح بالصور مع بعض