رسالة ابن الحضنة

نحييك يا سعدان ومعاك ذوك الغزلان نتمنالكم صحة الابدان وتفوزو في كل مكان .الحمد لله فكرتونا في يمات زمان ايام بلومي وماجر و زيدان يوم بكينا لالمان , و اليوم تبقى بيان.
نحييكم الف تحية و لعبتوا بكل روح رياضية شاوشي قاواوي و خالد لموشيه زياني صايفي وعنتر لي كواهم كيه , وما ننساش بوقرة ومغني و البقية .الكل لعبتو بالنية و سعدان قمة وطنية .
فريقنا في القاهرة لعب مظلوم و صبر على لكل هموم و هذا الشئ معلوم و كي راح للخرطوم و زالت ذيك لهموم و خرج السر المكتوم و لعبو في الدفاع و الهجوم وعطاوهم ديبلوم و شحاتة رجع مهزوم من كأس العالم محروم ما رقد ما جاه النوم .18 نوفمبر سجل يا تاريخ و بالضبط في ملعب المريخ و مصر نالت التوبيخ وعطاوهم بطاقة تعريف و بان الصح من التخريف و عنتر يحي زين التهديف و الجزائري عندو النيف.
يا المصري يا حقار هذي تبقالكم بصمة عار انت ديما للخير نكار شحاتة المشرار وجه عاد يصفار , وحقرتونا في الديار و نسيتوا العالي القهار و عملتو علينا اشهار و صار ما صار. ولكن عاشرتو الكفار و بعتو غزة بالدولار و زدتوها حصار, بصح فريقنا فريق الاحرار من فمهم ما تكلم عار و برودهم يكوي الكبدة و يدربي على الاوعار . الله يسترهم ليل و نهار ويهزمو الفرق لكبار , وفي المريخ شعلت النار وزادوها الانصار كبار و صغار شحاته وجه يصفار ثم يشرب لمرارو اشبع غش و دمار واصبح كالورقة وداها لغبار و زاد عنتر سجل شاو المشوار و اعطاه علامة زوج اصفار (00) ودموعو تنزل كالامطار
شحاته كثر من لكلام يحسب روحو في الاهرام وطامع يرفع الاعلام ,صنعلوا عنتر لحام وتبخررتلو ذيك الاحلام اللي كان يشوفها في لمنام . وزيد يا فريقنا للامام ونحييك تحية شرف و اكرام .
ونحي بوتفليقة دار حاجه فور خلا الشعب يروح لا فيزا لا باسبور باش يساندو البالون شاوشي وغزال و مغني و زياني و مطمور و بوقرة و جبور والشعب عليهم غيور و اصبح في العالم مشهور و شحاته غير يدور . نتمنى للخضراء تفرح ديما و المصري يعطيها قيمة ما يمثلوناش في السينيما و يستسلمو للهزيمة بكل فرح و عزيمة و فريقنا برهن في الملعب و قر شحاته و الحضري و متعب فهذا ماهوش عجب .
المصري بكى و ندب و الخضراء مثلت لعرب و بان الصح من لكذب و الفضة ما تتقلب الذهب و يا لمصري دير شوية القلب.

من مشجع الخضراء
براهمي عامر
0791670405

لا تحرموني من ردودكم