إشراق
عضو نشيط
الجنس : 
الابراج :  المسآهمآت : 1074
العمر : 30
العمل/الترفيه : ohibo kitabata alkhawatir wa kol ma amoro bhi min anwa3i al hayat
نقآط التميز : 7089
 |  موضوع: ....رجل مستحيل...اول ....مدونة ليا...  السبت 7 يناير 2012 - 22:25 | |
| تذكير بمساهمة فاتح الموضوع : أنتهت الحيره
كان قرص الشمس يتدلي من السماء وكأنه عقد ذهبي مشع علي الاسكندريه في وقت الغروب
وكأن الشمس تودعهم باخر وهله فيها قبل غروبها
كان لبيت عبد الرحمن نصيب من الشمس
وعلي مائدة الغداء كان يجلس عبد الرحمن ووالديه واختاه الاثنين
الاب : ايه ياض يا عبدو سرحان لييه ,كل يا عم الاسد
عبدو : انا برضو يتقالي كل , يابا انا ممكن اخلص الاكل قبل ان يرتد إليك طرفك 
الاب:امال مالك سرحان في أيه وعملت ايه في اول يوم ليك في الجامعه النهردا.
أسترجع عبد الرحمن كل الاحداث اللي مرت علييه من أول اليوم وشرد بزهنه فيها
كان اول يوم له في الدراسه اولي كلية تجاره
صحي عبده لأول يوم في دراسته بضرب الجزم كالعاده زي ما كان بيصحي أيام المدرسه
قام من نومه علي الاكل مسرعا كعادته وهوا يتقاتل مع اخته بروح مرحه
راح الكليه بعد صراع مرير مع المواصلا والاتوبيس
وداخ علي ما عرف يجيب جدول المحاضرات دخل محاضرته الاولي باليوم الاول مترقب الاحداث
ومر اول يوم بسلام
اليوم الثاني راح هوا وزميله الي المسجد
كان عبدو داخل المسجد مع صحبه علشان يصلوا الضهر
وفجأه شاف حاجه مستحيل تكون موجوده في المسجد ولا حتي في الجامعه
للمزيد راجع الجزأ الاول (يوميات شاب حائر بس مش سيس الفصل الاول (قبل الثوره))
…
عبد الرحمن في ذهول :ماما !!!!! 
الام : ايوه انا يا منيل
عبدو:انتي ايه اللي جابك الجامع وازاي لابسه لبس البيت كدا في الجامع !!!
الام : هنبتدي من اولها علي المنوال دا شكلك هتتعب ألبي من اول السنه 
عبدو في تعجب شديد : من اولها ايه انتي اللي من اولها هتنطيلي في الجامعه وايه اللي انتي لابساه دا
الام : هبقي البسلك فستان بعد كدا , يلاااااااااااااااااااا
عبدو متعجب : انا حاسس اني بحل …. 
ملحقش يخلص الكلمه
وحس بألم نازل علي وشه
عبد الرحمن مزهول :ايه دا انا فين
الام :هتصحي ولا اجيب ابوك من الشغل يصحييك
عبدو: مش فاهم حاجه
الام:يابني اصحي قرفتني دا اول يوم لييك في الجامعه حرام علييك علشان تلحق تنقل الجدول
عبدو متعجب :جدول ! ينهار ابيض هوا انا كونت بحلم ولا كان حقيقي ولو حقيقي عرفت ازاي موضوع الجدول دا
عبدو بصوت واطي
مكنش لازم أتزفت اشرب مع العيال السيس دول حاجه شكلهم هيودوني في داهيه 
الام: بتبرطم بتقول ايه, اخلص يلا الاكل اخواتك هياكلووه
عبدو قام بسرعه : اللي هيمد ايده علي الاكل قبلي هزعله انا جاي حالا 
………………
تجمع علي المائده عبدو وعائشه واختهم الصغير
عبدو :عيشه اعمليلي كوباية شاي علي ما اخلص اكل
عيشه :واحنا مش بني ادمين بناكل وبتنكاثر برضو ,قوم اعمل لنفسك 
عبدو بصوت عالي :انا رايح الكليه ومش فاضي
عيشه : بكره اروح انا كمان محسسني انك في كلية طب 
عبدو : وعد لما تروحي الكليه هجيب ليكي طوق
عيشه : طوق ؟؟؟؟
عبدو : اه طول ونكتب علييه أسمك علشان لو توهتي 
عيشه : كدا طيب والله منا عامله لييك حاجه 
عبدوا : هجيبلك معايه علبة كشري وانا جاي من الكليه
عيشه : لا انا عاوز كيتكات 
عبدو : ههههههههههههه والله وعرفنا الكتكات طيب من عيني هجيب ليكي قومي بئا
عيشه : انا هقوم علشان انتا صعبان علييا بس
….
شرب عبدو الشاي ونزل من البيت في اول يوم لييه في الجامعه
التاريخ
الثالث من سبتمبر سنه 2011
بعد مرور 8 شهور علي الثوره المصريه العظيمه
استني في ظل مظله عملها شباب الثوره لخدمة الناس اللي بتنتظر الاتوبيس
وركب أخينا الاتوبيس كان فييه زحمه كتير بس غير الحلم خالص
شاف المصريين علي حقيقتهم الصغير بيقعد الكبير مكانه والكبير فرحان من الشباب
وقال في باله يااه الثوره غيرتنا ورجعتنا علي طبيعتنا نفسي يو
فجأه قاطعه صوت رجل عجوز
العجوز : انتا مبتسم كدا لييه يا يابني , انا خايف حد يشوفك يقول علييك اهبل
عبدو : ههههههههههه لا يا حج بس عاجبني المنظر
العجوز :انا بقالي ستين سنه بشوف منظر زحمة الاتوبيس عمري ما لاقيت فييه حاجه تعجب 
عبدو : هههههههههه لا انا اللي عاجبني ان الشباب بيقعدوا الشيوخ بكل احترام مش زي زمان
العجوز : اه فعلا دي بعد الثوره بقت كتير ,شد حيلك انتا كمان
عبدو : عشان ايه اشده
العجوز : تقعد يابني وتقعدني مكانك 
عبدو :هههههههههه ماشي
قام واحد من اللي كان قاعدين
عبدو : اتفضل يا حج اهو
العجوز : والله يابني لو جيت للحق انتا اللي المفروض تقعد
عبدو : أزاي يا حج
العجوز : انتم اللي عملتم الثوره وحررتونا من الاستعباد انتا الاحق بانك تقعد
عبدو مبتسم : وانتم اللي ربيتونا علي الاخلاق والشهامه
عبدو : هتقعد ولا اقعد انا , انا مش شهم اوي 
جلس العجوز علي الكرسي وهوا يضحك بصوت عالم من غير ما يتكلم بكلمه واحده
…
نزل عبد الله من الاتوبيس وعلي بوابة الجامعه
الحارس : كارنيهك لو سمحت
عبدو :انا اول يوم واكيد معييش كرنييه
الحارس : طيب ممكن اسم حضرتك
عبدو : عبد الرحمن محمد
الحارس : طيب يا استاذ عبد الرحمن منتظر منك الكانييه بكره اتفضل
عبدو : حضرتك بتكلمني انا << أستاذ 
الحارس : ايوه بكمك انتا اخلص بقا بدل ما اعاملك بالوش التاني 
عبدو : لا لا لا عارفه انتا هتقولي علييه مجربه قبل كدا 
الحارس : امتي دا
عبدو : زمان زمان نفض
دخل عبدو وهوا محتار من أحترام الحارس لييه بالطريقه دي
قال في باله : فييه ايه يا عبدو لا كدا عاجب ولا كدا عاجب ما تتلم بقا وتحتر…
قاطعه صوت زميل لييه في الجامعه
اسمك ايه
عبدو : عبد الرحمن
زميله : أهلا بييك اكيد عاوز تنقل الجدول
عبدو : اه بس مش جدول الامتحانات ها فاهمني يا خفه
زميله : امتحانات مين لسه بدري
عبدو : طيب
زميله :فييه نسخه من الجدول في أول الصور هنا قدامك وفييه علي موقع الكليه علي النت نسخه
وفييه نسخه معايه لو حابب تنقل مين
عبدو : يا عيني , لا شكرا انا هنقله من الصور أسهل متشكر يا كونان
زميله : انا الكبير اوي يا امور مش كونان
عبدو : الكبير جوي , يا فرحة أمك بييك 
…
نقل عبدوا الجدول وكان سلييم ميه بالمبيه من غير اي اصابات خطيره !
….
دخل المحاضره الاولي في معادها الساعه الثامنه
دخل قعد علي البنج بتاعه وهوا بيقول في نفسه
يا سلام كل حاجه في مصر أتغيرت وهتبقي حلوه وزي الفل وهنكون احسن نا
قاطعه صوت خشن مزعج للدكتور وهوا بيرحب بالطلبه ترحيب كالعاده مستفز وباستعلاء
كمل عبد الرحمن الكلام في باله : واضح انه مش كل حاجه اتغيرت دكاترت الجامعه هيا الحكومه التي لم تحل داخل الحرم الجامعي
….
أستمرت المحاضرات علي نفس منوال الترحيب المستفز
عبد الرحمن لزميله اللي جالس جنبه :ايه الدكاتره دول من العصر البائت لسه مش فاقوا
زميله : هيا دي سيايتهم شكلها
عبدو : الظاهر , اسمك ايه
زميله : سامر او سمسم أو سمور
عبدو: معاك عبدو او عبد الرحمن او عبدو
سمسم : ههههههههه, أهلا يا معلم
عبدو: امتي بقا ربنا يرحمنا من الدكاتره ولاد التــــ … 
قاطعه صوت الاذان
الله أكبر
عبدو : يلا يا سمسم ننزل نصلي
سمسم : نصلي ! طيب والمحاضره
عبدو : يعني انتا هتقطع المزاكره يعني من اولها
سمسم : ايوه بس انا لابس شراب لسه هقلعه
عبدو : ههههههههههههههههههههههههههههههه علييا انا برضو الحركات دي دنا اللي اخترعت الحجه دي 
هتقلع يعني هتقلع يا سمسم
سمسم : هههههههههههههه , نقلع ياعم وفيها ايه يلا بينا يا برنس
عبدو : وهوا كذلك يا صديقي
سمسم : ههههههههههههه ماشي يا عم الكابتن ماجد
….
دخل عبدو وسامر المسجد
بس تمام يعني من غير اي مفاجأت
وصلوا الضهر جماعه ومن غير مبالغه المسجد كان مليء علي اخره واكثر وكانها صلاة الجمعه
كان عبد الرحمن بينظر للمنظر وهوا سعيد جدا وبيقول
فينك يا عم العجوز تيجي تشوف دي كمان
سمسم : يلا بينا يا عبوود
عبدو : يلا بينا يا سمسم
خرج عبد الله وسمسم من الجامعه بعد ما اتعرفوا علي بعض وكل واحد عرف التاني ساكن فيين وودعوا بعض
مشي عبد الرحمن للمحطه واستني الاتوبيس شويه وركبه لما جه
دخل وكان فييه كرسي فاضي راح قعد علييه وهوا بينظر من الشباك علي الشوارع
وفجاه شاف منظر عمره ما شافه في اي شارع من شوارع أسكندريه او حتي مصر 
منظر استفز مشاعره جدا لدرجة انه قام من مكانه وطلع يجري علي الباب
ونزل من الاتوبيس رغم انه كان ماشي بسرعه 
وطلع يجري نحيت اللي شافه
وهوا بيقول : يا جما….
فجاه قطع سيل زكرياته صوت ابوه :يابني انا هتحايل علييك علشان ترد علييا
عبدو : معاك يا بابا
ابوه:عملت ايه في اول يوم دراسه لييك , إلا قولي الاول
عبد الرحمن : نحمين
ابوه :هتروح جمعة طلوع الروح في ميدان التحرير*
عبدو : لا هروح جمعة فقع المراره اللي بعدها**
ابوه : طيب تمام ربنا يوفقك , قولي عملت ايه باول يوم لييك في الجامعه بئا
بدأ عبد الرحمن في سرد اليوم الاول لييه في الكليه لوالده بكل التفاصيل …
إلي اللقاء في الجز
|
|
